'Yn syml, fuaswn i ddim yn goroesi heb roddwyr gwaed'

Dyn o Lanilltud Fawr yn dweud y bydd yn ddiolchgar am byth i roddwyr gwaed, ar ôl iddo gael diagnosis o fath prin o ganser y gwaed.

Gyda chanser bellach yn effeithio ar un o bob dau o bobl, mae rhoddwyr gwaed yn parhau i chwarae rhan hanfodol yn y driniaeth y mae cleifion canser yn ei derbyn, ac yn helpu nid yn unig i ymestyn eu bywydau, ond i gynnal ansawdd eu bywyd hefyd.

Ym mis Medi 2024, cafodd Maurice Hoskins ddiagnosis o MDS Syndrom (Myelodysplastic Syndrome), math o ganser sy'n datblygu'n araf ac sy'n achosi i'r corff gynhyrchu celloedd gwaed coch anaeddfed.

To help him through his cancer treatment, he now receives two blood transfusions every three weeks.

Roedd Maurice wedi aros yn heini ac yn iach drwy gydol ei oes, ac roedd yn dal i allu loncian a mynd am droeon hir ar y ffyrdd o amgylch Llanilltud Fawr wrth iddo gyrraedd ei saithdegau. Ond ar un o'i deithiau cerdded dyddiol, sylweddolodd Maurice fod rhywbeth o'i le.

"Fel arfer, roeddwn i'n gallu gwneud y daith gerdded yn eithaf cyfforddus. Un diwrnod, roeddwn i'n teimlo'n eithaf byr fy anadl ac yn gwybod bod rhywbeth o'i le," eglurodd Maurice.

O fewn wythnos, dechreuodd Maurice driniaeth yn Ysbyty Prifysgol Llandochau.

Yn gyn-roddwr gwaed ei hun, ar Ddiwrnod Canser y Gwaed y Byd eleni (28 Mai), mae Maurice nawr yn diolch i’r bobl sy’n rhoi gwaed am eu haelioni.

"Rwy'n gwybod o brofiad yr ymroddiad sydd ei angen i roi gwaed. Byddaf yn ddiolchgar iddynt am byth," meddai.

Ychwanegodd: "Mae'n teimlo'n swrrealaidd bod ar yr ochr arall, a gorfod derbyn rhoddion gwaed. Wnes i erioed feddwl llawer am beth sy'n digwydd i fy rhodd ar ôl cael fy nhe a'm bisged.

"Rwy'n gobeithio y bydd fy stori yn annog mwy o bobl i roi gwaed, ac yn helpu rhoddwyr i ddeall yr effaith maen nhw'n ei chael a'r bywydau maen nhw'n eu hachub."

'Dwi’n ddiolchgar dros ben am bob dydd'

A hithau eisoes wedi bod yn rhoddwr gwaed ei hun ers dros 30 mlynedd, mae Julie yn cyfaddef nad oedd hi erioed wedi meddwl gormod am beth sy'n digwydd i'w gwaed.

Ychwanegodd: "Yn amlwg, roeddwn i'n gwybod ei fod yn beth da i'w wneud, ond doeddwn i ddim wedi ystyried gymaint o effaith mae’n ei gael.

"Rhoddodd salwch Dad ddealltwriaeth ddyfnach i mi o'r gwahaniaeth y gall rhoi gwaed ei wneud i fywydau pobl. Nid yn unig i’r claf, ond i’w hanwyliaid hefyd."

Alan Prosser, Director of the Welsh Blood Service, said: “Stories like Maurice’s and Brian’s highlight how critical donations are for patients in need and how much they’ve helped their families spend more precious time together.

“Mae angen tua 350 o roddion gwaed ar Wasanaeth Gwaed Cymru bob dydd i helpu ysbytai ar draws y wlad. Mae tua 70 y cant o roddion gwaed yn mynd i drin cyflyrau meddygol fel rhai Maurice a Brian, a dyna pam bod angen cyflenwad parod o bob math o waed ar ysbytai saith diwrnod yr wythnos, 365 diwrnod y flwyddyn.